Ka vazhduar edhe mbrëmë spektakli në NBA, kur janë zhvilluar ndeshjet e para të fazës ‘Play Off’.
Houston Rockets, Milwaukee Bucks dhe Boston Celtics kanë përjashtuar çdo befasi duke vazhduar formën e mirë të paraqitur në sezonin e rregullt.
Oklahoma City Thunder në anën tjetër është mposhtur nga Portland Trail Blazers në një prej çifteve më të paparashikueshme për fituesin.
Houston Rockets kanë fituar me rezultatin 122:90 ndaj Utah Jazz, në një ndeshje ku ka shkëlqyer James Harden me 29 pikë të shënuara.
Detroit Pistons kanë përjetuar ‘ferrin’ në ndeshjen e parë kundër Bucks, duke pësuar me rezultatin 121:86, në një ndeshje ku shkëlqeu Antetokounmpo, me 24 pikë të shënuara.
Boston Celtics ashtu siç pritej triumfoi në ndeshjen kundër Indiana Pacers, me rezultatin 84:74.
Kurse, në duelin mes Portland Trail Blazers dhe Oklahoma City, fitore regjistruan Blazers duke triumfuar me rezultatin 104:99.
Befasi të mëdha pati edhe në ndeshjet e para siç ishte humbja e Philadelphia 76ers. Duket se ky edicion në ‘Play Off’ do të jetë më i paparashikueshmi.