Kryetrajneri i klubit të basketbollit Prishtina (femrat), Fidan Shatri, është sikur në qiellin e shtatë, sepse pas trofeut të Kupës në vitrinat e tyre sollën edhe titullin e kampiones, aq me tepër që e mposhten rme 76:71 (3:2 në serinë e finaleve të play-off-it) rivalen e përbetuar Bashkimin nga Prizreni.
“E përgëzoj Bashkimin për organizim dhe atmosferë që e krijoj në ndeshjen e 5 finale. Ishim skuadër më e mirë se Bashkimi në këtë ndeshje, ku lojtaret e mija u angazhuan maksimalisht ku edhe i falënderoj për karakterin e treguar.
Luajtëm një mbrojtje shumë të fortë ku përveç lojtares Show që shënojë pikë dyshifrore të tjerat nuk i lejuam të bëjnë të njëjtën gjë. Loja ekipore në këtë ndeshje në fund na gëzoj me titullin kampion”, tha Shatri për gazetën kombëtare “Bota sot”. Finalja e pestë u përcoll nga më së 1200 shikues në palestrën e sportit në Prizren.
