Ndeshja e tretë finale e play off-it në NBA do të luhet sonte pas orës 00:00.
Aty do të përballen kampionët në fuqi Golden State Warriors (perëndim) kundër kampionëve të konferencës së lindjes, Toronto Raptors.
Për këtë ndeshje të rëndësishme, skuadra e Steve Kerr nuk do të mund të llogarisë në shërbimet e Kevin Durant.
KD kishte pësuar një dëmtim më herët gjatë fazës play off, lëndim që ia humbi dy ndeshje kundër Houston dhe serinë ndaj Portland.
Trajneri i Warriors ka konfirmuar së fundmi se Durant edhe zyrtarisht do të mungojë edhe në ndeshjen e tretë finale ndaj Toronto.
Kjo do të jetë mungesë e madhe kundër një Toronto që po kalon në periudhën më të mirë viteve të fundit, derisa seria pas dy ndeshjeve të zhvilluara është 1-1.
