Skuadra e Toronto Raptors shpallet kampione e NBA-së për sezonin sportiv 2018-2019, pas triumfit 4-2 me ndeshje ndaj Golden State Warriors. Kanadezët fituan sot 114-110 në finale e gjashtë play off, duke mbyllur me sukses një sezon ku ishin protagonistë. Ky është titulli i parë kampion në historinë e Toronto. Basketbollisti Kawhi Leonard u zgjodh MVP i finaleve play off.
Një titull që nuk i përket vetëm një ekipi, por të gjithë Kanadasë, ku mijëra njerëz kanë qenë në rrugë për të festuar. Një në dy kanadezë ka parë finalet, çka tregon për popullaritetin e këtij ekipi, që bëri krenar gjithë Kanadanë. Leonard ishte lideri i padiskutueshëm i këtij ekipi, që në finalet play off tregoi vlerat e tij, me një mesatare prej 28.5 pikësh për ndeshje.
Skuadra kanadeze e “ndërtoi” këtë triumf pikërisht në fushën e skuadrës rivale, ku i fitoi të trija takimet e luajtura aty. Përfshi edhe këtë të luajtur sot, duke realizuar diçka magjike, të paimagjinueshme në fillim të këtij sezoni. Edhe sfida e sotme, ashtu si të parat, ka qenë e ekuilibruar dhe me shumë rivalitet, ku herë udhëhiqte njëri ekip e herë tjetri. Deri në fund.
Kawhi Leonard accepts the 2019 Bill Russell #NBAFinals MVP trophy! #WeTheNorth pic.twitter.com/VtnTvARm6K
— NBA (@NBA) June 14, 2019
Ndeshja e sotme dhuroi emocione deri në fund, me Golden State që tentoi të fitojë, duke patur edhe mbështetjen e një stadium të tërë.
A little jammed? This is Yonge-Dundas Square from 38 floors above as crowds celebrate the Toronto Raptors NBA Championship win.
— CBC Toronto (@CBCToronto) June 14, 2019
Video Courtesy: Chelsea Coburn
Read more: https://t.co/BHEj6FdSo0 pic.twitter.com/XOwR3ZjVDp
Thompson realizoi 30 pikë, mbështetur nga Iguodala me 22 pikë e Curry me 21, por mungesa e Durant u ndje sërish. Në kahun tjetër, Loëry e Siakam realizuan nga 26 pikë secili, ndërsa Leonard e VanVleet nga 22 pikë, duke e kthyer suksesin e sotëm në një triumf kolektiv.
