Cilat janë arsyet që Demirel vjen në Kosovë? - Bota Sot
Cilat janë arsyet që Demirel vjen në Kosovë?

Basketboll

Cilat janë arsyet që Demirel vjen në Kosovë?

Më: 31 korrik 2019 Në ora: 17:08
Cilat janë arsyet që Demirel vjen në Kosovë?

Më 7 dhe 8 gusht, në Kosovë do të qëndrojë Presidenti i FIBA Evropës, Turgay Demirel.   Ai vjen në Kosovë gjatë kohës kur mbahet Kampionati Evropian, Divizioni B, për femra U20, duke dëshmuar përkrahjen e tij për Federatën e Basketbollit të Kosovës (FBK) dhe basketbollin e Kosovës në përgjithësi. 

Vizita e Demirel-it tregon për përkrahjen e tij për punën që po bënë FBK-ja me gjenerata të reja, përkatësisht organizimin e Evropianit, derisa është hera e parë që një Evropian i Divizionit B, do të organizohet në Prishtinë.  

Kjo është hera e parë që Demirel viziton Kosovën si President i FIBA Evropës, derisa gjithmonë ka mbështetur basketbollin e Kosovës. 

Demirel përveç takimeve me krerët e FBK-së, ai do të ketë takime edhe me krerët e institucioneve shtetërore të Kosovës dhe do të shohë nga afër ndeshjet e Kampionatit Evropian, që nga 3 deri më 11 gusht do të mbahet në Prishtinë. 

12 kombëtare do të garojnë për trofeun e çmuar, derisa vashat e Kosovës U20 për herë të parë marrin pjesë në një ngjarje kaq madhore.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...