Kampionët e Superligës së Kosovës në basketboll, Prishtina, kanë ‘blinduar’ talentin premtues, Meriton Ismaili.
Ismaili është një nga lojtarët më me perspektivë në Kosovë, i cili shquhet për saktësinë e tij nga gjuajtjet për tri pikë.
Meritoni ka vendosur që të rinovojë kontratën me skuadrën e Prishtinës, ku do të ketë mundësi që të rritet akoma si lojtar.
Deri më tani, Ismaili është grumbulluar edhe me Kombëtaren A, por suksesin më të madh kishte shënuar me kombëtaren U-20.
Më poshtë ua përcjellim njoftimin e plotë të skuadrës së Prishtinës, lidhur me rinovimin e Meriton Ismailit.
Një ndër lojtarët më me perspektivë në vendin tonë vazhdon kontratën me KB Prishtinën.
Ismaili i cili kaloj një sezon mjaft të mirë në klubin tonë në arenën ndërkombëtare dhe vendore është duke kaluar një verë të stër ngarkuar me përfaqësuesen u-20 dhe tani me përfaqësuesen A pritet të jetë në formën më optimale për edicionin në vijim.