Kosova U16 ka shënuar fitoren e parë në Kampionatin Europian, Divizioni B, që po zhvillohet në Podgoricë të Malit të Zi.
Dardanët e rinj kanë mundur Norvegjinë me rezultat 65:57 (10:18, 17:13, 22:12, 17:14). Basketbollistët e rinj të Kosovës përveç në çerekun e parë, kanë qenë më të mirë se norvegjezët, duke shënuar fitoren e parë në Europian, pas tri humbjeve.
Eliot Peci shënoi 15 pikë, por lojtari i ndeshjes ishte Visar Ejupi me 12 pikë e plot 17 kërcime, kurse me nëntë pikë ndihmoi Enes Huduti.
Ndeshja e fundit në grupe për Kosovën do të jetë të martën ndaj Suedisë.
