Skuadrat favorite kanë fituar në xhiron e pestë të Superligës së Femrave.
Bashkimi ka shënuar fitoren e pestë në këtë edicion, në po aq ndeshje të zhvilluara. Vashat prizrenase kanë mundur Penzën me rezultat 93:60 (29:12, 24:13, 25:18, 15:17).
Vendaset dominion nga fillimi deri në fund për të shënuar fitoren e pestë, kurse vashat pejane kanë tri fitore dhe dy humbje.
Mabetex Prishtina gjithashtu ka vazhduar me fitore, duke mundur Kastriotin në shtëpi me rezultat 116:46 (26;16, 34:11, 24:9, 32:10).
Prishtina dominoi nga fillimi deri në fund për fitoren e katërt radhazi, pas humbjes në xhiron e parë nga Bashkimi, kurse Kastrioti ka një fitore dhe katër humbje.
Duhet theksuar se në këtë ndeshje, basketbollistja e Mabetex Prishtinës, Era Shatri mbylli ndeshjen me dyshifror të katërfishtë: 14 pikë, 10 kërcime, 10 asistime dhe 10 topa të vjedhur.
Në ndeshjen e fundit për këtë xhiro, Trepça ka mundur Vëllaznimin me rezultat 39:32 (15:8, 6:11, 9:4, 9:9).
Trepça ka dy fitore dhe tre humbje, kurse Vëllaznimi pesë humbje në po aq ndeshje.
