New Orleans i ka dhënë një leksion Clippers në ndeshjen e radhës në NBA, duke fituar 132-127.
Një ndeshje spektakolare mes dy skuadrave, ku herë kryesonte njëri ekip e herë tjetri. Gjithsesi, në fund triumfoi skuadra e Pelicans, ku u dallua Holiday me 36 pikë, mbështetur edhe nga Favors me 20 pikë e 20 rebound.
Fiton edhe Denver, që ruan pozitat në vendin e dytë në Perëndim, pas triumfit 101-93 ndaj Brooklyn. Më të mirët në fushë ishin Jokic e Harris, me nga 18 pikë secili.
Tjetër ndeshje e mirë për MVP-në e sezonit të fundit, Giannis Antetokounmpo, që falë 38 pikëve e 16 rebound i dha fitoren ekipit të Milwaukee. Skuadra e Bucks triumfoi 124-115 ndaj Chicago, ku për vendasit u dallua edhe Bledsoe me 31 pikë.
Ekipi i Phoenix mundi 128-112 Atlanta, ndeshje e dominuar nge Suns, me dyshen Oubre-Booker, që së bashku realizuan 57 pikë. Jashtë fushe fiton edhe skuadra e Miami, që mundi 108-97 ndaj Cleveland, ndeshje ku u dallua Nunn, me23 pikë.
NBA – Rezultatet e sotme
Cleveland – Miami, 97-108
Milwaukee – Chicago, 124-115
New Orleans – Clippers, 132-127
New York – Dallas, 106-103
Phoenix – Atlanta, 128-112
Denver – Brooklyn, 101-93