Ylli fiton me 13 pikë dallim - Bota Sot
Ylli fiton me 13 pikë dallim

Basketboll

Ylli fiton me 13 pikë dallim

Më: 16 nëntor 2019 Në ora: 13:29
Pamje nga një ndeshje

Golden Eagle Ylli ka shënuar fitore ndaj Lipjanit me rezultat 104:91 (26:26, 33:21, 16:21, 29:24), në kuadër të xhiros së 11-të të Superligës së Kosovës në basketboll.

Takimi ka qenë shumë interesant, ku çereku i parë ishte tërësisht i barabartë dhe përfundon 26:26. Sidoqoftë, vendësit tregojnë lojë më të mirë në periodën e dytë, duke e fituar 33:21.

Lipjanasit nuk u dorëzuan dhe arrijnë të fitojnë periodën e tretë 16:21, duke e afruar rezultatin, sidoqoftë, therandasit e fitojnë periudhën e fundit 29:24 dhe fitojnë me rezultat 104:91.

Te Ylli u dalluan Alante Fenner me 22 pikë, katër kërcime dhe gjashtë asistime, si dhe Samir Zekiqi me 22 pikë, katër kërcime dhe katër asistime.

Ndërkohë, te Lipjani u dalluan Fazli Vitia me 26 pikë, shtatë kërcime dhe dy asistime, Demarcus Stucky Jr me 24 pikë, tri kërcime dhe dhjetë asistime, si dhe Devaughn Jenkins me 21 pikë, dhjetë kërcime dhe dy asistime.  

Ylli ka gjashtë fitore dhe tri humbje, kurse Lipjani dhjetë humbje në po aq ndeshje të zhvilluara.

Sot mund të lexoni Shfletoni kopertinat