Prizrenasit e mposhtin me 13 pikë dallim Lipjanin - Bota Sot
Prizrenasit e mposhtin me 13 pikë dallim Lipjanin

Basketboll

Prizrenasit e mposhtin me 13 pikë dallim Lipjanin

Më: 29 nëntor 2019 Në ora: 10:22
Prizrenasit e mposhtin me 13 pikë dallim Lipjanin

Ponte Prizreni ka mundur Lipjanin me rezultat 91:78 (24:18, 12:29, 26:19, 29:12) në kuadër të javës së 13-të të Superligës së Kosovës në basketboll.

Ndeshja ka nisur me një minutë heshtje në nderim të viktimave të tërmetit në Shqipëri.

Prizreni e nisi ndeshjen më mirë, duke e fituar çerekun e parë 24:18, por në atë të dytë, mysafirët ishin shumë më të mirë duke e fituar 12:29. Sidoqoftë, Ponte rikthehet në çerekun e tretë për të fituar 26:19, kurse edhe më bindës ishin në periudhën e katërt 29:12, për të fituar në fund me rezultat 91:78.

Ty Nichols ishte më i miri te Ponte Prizreni me 30 pikë, gjashtë kërcime dhe gjashtë asistime, kurse te Lipjani dy më të dalluarit ishin Demarcus Stucky me 32 pikë, pesë kërcime dhe pesë asistime dhe Devaughn Jenkins me 25 pikë e 19 kërcime.

Ponte Prizreni ka shtatë fitore dhe pesë humbje, kurse Lipjani ka 12 humbje në 12 ndeshje.

Shfaq komentet
comments powered by Disqus
Sot mund të lexoni Shfletoni kopertinat