Antetokounmpo fiton sfidën me LeBron

Basketboll

Antetokounmpo fiton sfidën me LeBron

Më: 20 dhjetor 2019 Në ora: 10:49
Antetokounmpo fiton sfidën me LeBron

Një mbrëmje me vetëm katër ndeshje në NBA, ku veçohen dy përplasje të mëdha, një mes Los Angeles Lakers e Milwaukee Bucks dhe tjetra mes Houston Rockets dhe Los Angeles Clippers.

Në takimin e parë të zhvilluar në “Fiserv Forum” të Milwaukee-t, skuadra nga Wisconsin fitoi 111-104 përballë kalifornianëve të dyshes së famshme Davis-James. Protagonist asbolut Giannis Antetokounmpo me 34 pikë 11 “rebound” dhe 7 asiste, ndërsa për Lakers nuk mjaftuan 36 pikë të Anthony Davis dhe “triple double” i Lebron, 21 pikë, 12 “rebound” e 11 asiste.

Përtej humbjes, Los Angeles Lakers mbeten në krye të Konferencës së Perëndimit me 3 fitore më shumë sesa Clippers, që gjithashtu nuk arritën të dilnin triumfues përballë Houston Rockets, në takimin e zhvilluar në “Staples Center”.

Teksanet triumfuan 117-122 fale një përmbysjeje fantastike në 20 minutat e fundit të lojës. Vendimtar Russell Westbrook me plot 40 pikë e 10 “rebound”, çka përbën dhe rekordin personal të pikëve me fanellën e Rockets, ndërsa James Harden e mbylli me 28 pikë e 10 asiste, duke marrë rolin e violinës së dytë, të paktën për një natë. Në radhët e Clippers më i miri mbi parket, pavarësisht humbjes, ishte Paul George me 34 pikë, ndërsa Kawhi Leonard realizoi 25 pikë.

Në dy takimet e tjera, Utah Jazz fituan 106-111 në shtëpinë e Atlanta Hawks me 30 pikë të Donovan Mitchell, ndërsa San Antonio Spurs arritën të përmbysnin në pjesën e dytë Brooklyn Nets 118-105, duke mos u dhënë vlerë 41 pikëve të Spencer Dinwiddie. Për Spurs Mills dhe Aldridge realizuan respektivisht 27 dhe 20 pikë.

Rezultatet:

Los Angeles Lakers – Milwaukee Bucks 104-111

Utah Jazz – Atlanta Hawks 111-106

Brooklyn Nets – San Antonio Spurs 105-118

Houston Rockets – Los Angeles Clippers 122-117

commentFirst article
Sot mund të lexoni Shfletoni kopertinat