Recep Tayip Erdogan mund të shkojë aq larg saqë të cenzurojë sekuenca të NBA, për shkak të një lojtari.
Ylli turk i Boston Celtics, Enes Kanter, është një nga figurat që nuk pëlqehet në Turqi, për shkak të kundërshtimeve ndaj Erdogan.
Lojtarit i është marrë shtetësia e Turqisë dhe i ndalohet hyrja në atdheun e tij, por veç kësaj, atij i ndalohet edhe shfaqja në televizionet turke.
Kur në Turqi shfaqen momentet më të mira nga mbrëmjet e NBA, dhe në to paraqitet ndonjë aksion i Celtics, me Kanter protagonist, pamjet janë të cenzuruara
Kanter ka reaguar për këtë gjë përmes rrjetit social ‘Twitter’, duke thënë se tifozët në Turqi nuk mund të shohin basketboll për shkak të diktaturës.
