Klubi i basketbollit Trepça nga Mitrovica si gjithmonë ka pasur lojtarë cilësorë.
Është një gjeneratë interesante e shumë e fortë e vitit 1986, ku janë disa basketbollist të spikatur të asaj kohe, si Naim Hajrizi (i takon tri periudhave, të viteve 80-ta, kohës së okupimit dhe kohës së pasluftës), pastaj Vëllaznim Perani, Blerim Vuniqi, Ibrahim Karabeg etj.
Kjo gjeneratë e Trepçës, atëkohë garonte në Ligën e Parë B të ish Jugosllavisë. Hajrizi është prej basketbollistëve më të mirë që ka pasur Mitrovica dhe Kosova.
Në foto janë nga e djathta: Ismet Kurteshi - trajner, Zoran Bozhoviq, Blerim Vuniqi, Geni Pllana, Agron Sefaja, Naim Hajrizi, Mlladen Milosheviq, Esat Ismaili. Poshtë nga e djathta: Dragosllav Milladinoviq, Branisllav Radibratoviq, Ibrahim Karabeg dhe Vëllaznim Perani.
