Peja fiton derbin e madh në një atmosferë elektrizuese 

Basketboll

Peja fiton derbin e madh në një atmosferë elektrizuese 

Nga: Kemajl Goca Më: 19 janar 2020 Në ora: 18:51
Peja fiton derbin e madh në një atmosferë elektrizuese 

Atmosferë po, lojë e madhe po, emocione po në derbin më të madh të basketbollit në Kosovë, në mes Pejës dhe Sigal Prishtinës, e cila përfundoi me fitoren e pejanëve me rezultat 82:76 (22:7, 29:25, 19:27, 12:17).

Te pejanët shkëlqeu Dardan Berisha me 26 pikë, duke e mposhtur ish skuadrën e tij. Në radhët e Prishtinës u shqua Jordan Johnson me 26 pikë por që nuk kishin forcë që të ktheheshin me fitore nga palestra e sportit “Kararaçi” në Pejë.

Një ndeshje interesante, e cila deri në fund i mbajti në ankth tifozerinë. Peja bëri diferencën në çerekun e parë kur avancuan me 15 pikë (22:7). Pak kush e priste që Prishtina do të luajë aq dobët në këtë periudhë dhe nuk është hera e parë që i ngjan në dhjetë minutat e parë të shënon aq pak pikë, gjithsej 7, kjo i ndodhi edhe me 12 janar në Rahovec kur nuk shënoi me shumë se 4 pikë në dhjetëminutëshin e parë. 

E para, të shënosh 7 pikë në çerekun e parë është e çuditshme për bardhakaltrit, të cilët e kanë një ekip shumë të mirë. Pejanët duket se ishin në epërsi komode në dhjetë minutat e para, por me kalimin e kohës vinte duke u shkrirë ajo epërsi.

Në minutën e 20-të në semafor rezultati ishte në 51:32 në të mirët ë verdhezinjve. Në dy çerekët e fundit, pamë një Prishtinë më të mobilizuar, më energjike dhe një Pejë jo të fuqishme sikur në periudhën e parë të lojë. Në minutën e 30-të, ngushtohet diferenca në 11 pikë (70:59). Dhjetë minutat fundit, dramë në vete, në minutën e 38-të rezultati 78:73 për Pejën dhe që rriste gjithnjë e më shumë presionin në radhët e tyre. Peja triumfoi me rezultat 82:76 kundër rivalit të vjetër Sigal Prishtinës.

Peja Sigal Prishtina    82:76
Palestrat e Sportit 'Karagaçi' në Pejë.
Shikues. 2000.
Gjyqtarë: D. Mehmeti, D. Maxhuni dhe E. Uglari.
Peja: Martin, Berisha 26, Hajrizi 15, Johnson 10, Sirko 13, Armstead 4, Bojku, Kovaçi, Hajdari 5, Grapci, Jackson 8 dhe A. Berisha 1.
Sigal Prishtina: Johnson 26, Azemi 2, Rugova 8, Tmushiç 10, Alihoxhiq 6, Ismaili, Memeti, Jakupi, Goods 22, Janjeva dhe Polloshka 2.

Shfaq komentet
comments powered by Disqus
Sot mund të lexoni Shfletoni kopertinat