Kampionati turk i basketbollit është përfunduar sot zyrtarisht shkaku i pandemisë COVID-19, ka njoftuar Federata e Basketbollit të Turqisë.
Presidenti i Federatës, Hidayet Turkoglu ka thënë se vendimi është marrë pas konsultimeve me të gjitha klubet.
Siç deklaroi Turkoglu, kampion të basketbollit për këtë edicion nuk do të ketë.
“Ky ishte vendimi më i mirë për basketbollin”, tha Turkoglu.
Më herët, sot, është bërë me dije se në Turqi është përfunduar edhe kampionati i volejbollit.
Turqia ka pezulluar të gjitha sportet më 20 mars shkaku i pandemisë me koronavirus.
