Aksidenti tragjik me helikopter që ka shkaktuar vdekjen e Kobe Bryant, vajzës së tij Gianna, të gjashtë pasagjerëve të tjerë dhe të pilotit është akoma nën hetim. Kërkohen fajtorët, por ka shumë të panjohura.
Vanessa Bryant, e veja e ish-yllit të NBA-së, ka hedhur në gjyq pilotin, kompaninë Island Express dhe agjentët e policisë që kanë bërë fotografitë pak minuta pas aksidentit.
Gjyqi kundër Ara George Zobayan, piloti i helikopterit, ka filluar dhe gruaja e legjendës së Lakers-ave e ka akuzuar për neglizhencë, për shpejtësi të lartë pavarësisht mjegullës dhe kujdesin e pakët të treguar në vlerësimin e kushteve meteorologjike para nisjes së fluturimit.
Megjithatë, avokati dhe vëllai i pilotit i janë përgjigjur Vanessa-s duke fajësuar për aksidentit vetë Kobe Bryant dhe pasagjerët e tjerë:
“Çdo dëm, – fjalët e zbuluara nga TMZ, – ndaj të ndjerëve është shkaktuar direkt nga neglizhenca ose faji i atyre vetë, të cilët ishin në dijeni të plotë të rreziqeve, që i kanë pranuar me vullnetin e tyre”.