Pushkolli: Mezi pres të rikthehemi - Bota Sot
Pushkolli: Mezi pres të rikthehemi

Basketboll

Pushkolli: Mezi pres të rikthehemi

Më: 19 maj 2020 Në ora: 12:55
Pushkolli: Mezi pres të rikthehemi

Njëra nga basketbollistet e Kosovës që luan në SHBA është Dea Pushkolli.

Basketbollistja e talentuar e Kosovës i është bashkuar kampanjës së FIBA-s për #FIbaBAsket, duke ju përgjigjur pyetjeve se si po e kalon kohën në pandemisë Covid-19, sa po i mungon basketbolli, ndeshja e parë në SHBA dhe mesazhi i saj.

“Mezi pres të rikthehemi. Ende nuk e di se cila do të jetë ndeshja e parë, por çdo asistim, çdo vjedhje e topit do të jetë e mrekullueshme kur të rikthehemi.

Jam munduar të jem sa më shumë aktive. Kisha akses në një palestër të vogël, por në të shumtën e kohës kam punuar jashtë, duke bërë shumë ushtrime të trupit”, u shpreh Pushkolli për faqen zyrtare të FBK-së.

“E dua shumë këtë lojë. Më mungon gjithçka. Më mungojnë udhëtimet, stërvitjet, ndjesia kur shënon dhe gjithçka.

Ende nuk kam luajtur në nivelin profesional, por nuk do të harrojë ndeshjen e parë në SHBA, kur e kam vjedhur një top dhe kam shënuar dy hapësh të majtë.

Qëndroni të sigurt dhe do të rikthehemi”, përfundoi Dea Pushkolli.

Shfaq komentet
comments powered by Disqus
Sot mund të lexoni Shfletoni kopertinat