Është prej sportistëve më të qetë që njeh bota e sportit! Është Arben Krasniqi, që sakrifikoi shumë për basketbollin e Kosovës.
Ai i takon Gjeneratës së Republikës. Krasniqi ka qenë prej basketbollistëve më të mirë në periudhën e viteve të 90-ta, në kohën e okupimit.
Ish basketbollisti, aktualisht trajner, ka treguar shpirt të madh në fushë por asnjëherë nuk u ndal përkundër kërcënimeve të mëdha që i vinin nga pushtuesi serb.
Ai me një armatë sportistësh iu kundërvu agresorit serb, duke zhvilluar garat e Republikës së Kosovës në salla të improvizuara dhe në kushte të rënda.
Sot është krenar që Kosova është shtet dhe sportistët po luajnë në stadiume dhe palestra sportive.