Basketbollistët e Maccabi nga Tel Aviv fituan kampionatin izraelit, të cilët ishin më të mirë se Maccabi Rishon, duke triumfuar me rezultat 86:81 në finale të play-off-it në basketboll.
Lojtari i Maccabit, me prejardhje nga Kosova, Deni Avdija, djali i ish basketbollistit të Elektrokosovës së Prishtinës në fund të viteve të 70-ta, Zufer Avdija, u zgjodh MVP i turneut në Izrael.
Në moshën vetëm 19 vjeç, Deni u bë MVP më i ri në historinë e ligës izraelite.
Nga sezoni i ardhshëm, Avdija do të luajë në ligën NBA, ku ai tashmë është paraparë si një nga 10 lojtarët kryesorë në draftin e ardhshëm.
Gjatë sezonit në Maccabi, Avdija kishte mesatarisht 13.5 pikë për ndeshje, gjashtë kërcime dhe tre asistime, ndërsa në play-off ai mesatarisht 11 pikë, 7.5 kërcime dhe 2.5 asistime.
Maccabi Tel Aviv fitojë Kampionatin e 54-të të Izraelit.