Federata e Basketbollit e Kosovës (FBK) njoftoi të gjitha klubet se nga data 10 gusht do të fillojë afati kalimtar për basketbollistë/e të huaj dhe vendor.
Afati kalimtar do të mbyllet më 7 shtator.
Ndërkaq më 1 gusht ka filluar paraqitja e klubeve në të dy konkurrencat, si dhe për kategoritë e reja për edicionin 2020-2021. Afati i paraqitjes së klubeve për edicionin e ri do të vazhdojë deri më 20 gusht, kur është dita e fundit që klubet të regjistrohen.
Klubet pas plotësimit me të dhënat, i njëjti formular së bashku me certifikatën e regjistrimit të OJQ-së duhet ta dërgojnë në adresën elektronike: [email protected].
