Finale për infarkt! Sigal Prishtina fiton Superkupën e Kosovës 

Basketboll

Finale për infarkt! Sigal Prishtina fiton Superkupën e Kosovës 

Nga: Kemajl Goca Më: 25 tetor 2020 Në ora: 19:01
Finale për infarkt! Sigal Prishtina fiton Superkupën e Kosovës 

Finale për infarkt në Pejë, që do të mbahet mend për nga rivaliteti i madh deri në të qindtën e fundit të sekondës.
Sigal Prishtina është fitues i Superkupës së Kosovës në basketboll (meshkujt).

Prishtinasit triumfuan me rezultat 74:73 (12:11, 23:23, 23:23, 16:16) ndaj Bashkimit, në finalen që u zhvillua në palestrën e sportit “Karagaçi” në Pejë. 

Ndeshje e fortë e me rivalitet deri në fund, ndërsa prishtinasit treguan përqendrim më të madh në çerekun e fundit, duke e mposhtur rivalin e vjetër.   

Çereku i parë ka qenë me rivalitet të madh dhe me epërsi 12:11 në favor të Prishtinës pikërisht në minutën e 10-të. 

Edhe çereku i dytë me rivalitet të madh dhe me rezultat të ngushtë. Në minutën e 20-të, rezultati 35:34 në favor të Prishtinës. 

Lojë e fortë edhe në çerekun e tretë, te dyja skuadrat luftonin me mish e më shpirt, ndërsa rezultati në semafor shënonte 58:57 për Sigal Prishtinën pikërisht në minutën e 30-të. 

Çereku i katërt me ngarkesë të madhe sepse çdo gabim ishte edhe i pafalshëm për secilën ekip.

Basketbollistët Arian Qallaku dhe Altin Morina treguan formë të mirë gjatë kësaj periudhe sikurse edhe Musab Mala të Bashkimi.

Në minutën e 35-të, Sigal Prishtina shkëputet në epërsi me shtatë pikë (64:57), ndërsa presioni shtohej te prizrenasit.

Në minutën e 37-të, Bashkimi udhëheq me 67:68 dhe duke e dramatizuar edhe më shumë fundin e sfidës. Fundi i finales me emocione të mëdha. Në minutën e 39-të, Bashkimi udhëheq me 5 pikë (67:72), pastaj ngushtohet në 70:72, 72:73 dhe lojtari me përvojë të madhe Edmond Azemi vulos fitoren e prishtinasve me rezultat 74:73. 

Basketbollisti Arian Qallaku me 22 pikë është më efikasi te Prishtina, i ndihmuar nga Altin Morina me 19 pikë, Edmond Azemi 13 sosh etj. Musab Mala me 19 pikë është më i dalluari të Bashkimi, i ndihmuar nga Nikolla Vukçeviç me 17 pikë etj.
 
Sigal Prishtina-Bashkimi 74:73
Palestra e sportit "Karagaçi" në Pejë. 
Pa shikues.
Gjyqtarë: D. Maxhuni, A. Gashi dhe E. Uglari.
Sigal Prishtina: Koshi, Azemi 13, Morina 19, Rugova 11, Qallaku 22, Haxhosaj 6, Sinani, Ismajli, Janjeva, Peci, Rexhepi, Polloshka 3.
Bashkimi: Mala 19, Vukçeviç 17, Karanezi 7, Carter 10, Hoehn 11, Hajzeri, Gashi, Huduti, Rexhaj, Biraj 7, Palushi, Pallushi 2.

Shfaq komentet
comments powered by Disqus
Sot mund të lexoni Shfletoni kopertinat