Kapiteni i KB Bashkimit, njëkohësisht njëri prej lojtarëve me përvojën më të madhe në basketbollin vendor, Qëndrim Biraj ka aderuar në Partinë Demokratike të Kosovës.
Media përmes disa burimeve të saj mëson se aderimi i tij u prezantua pak minuta më parë nga kjo parti, teksa bashkë me të në degën e Prizrenit aderuan edhe tre tifozë të “Arpagjikëve”.
Arsye për aderimin e Birajt mund të jetë Shaqir Totaj, i cili tashmë ka pozitë të lartë në degën e PDK-së në Prizren teksa më parë kishte qenë edhe President i KB Bashkimit.
Bashkimi e ka nisur me fitore sezonin e ri në Superligën e basketbollit.
