Ismail Kokaj - basketbollist i sakrificës në Gjeneratën e Republikës

Basketboll

Ismail Kokaj - basketbollist i sakrificës në Gjeneratën e Republikës

Nga: Kemajl Goca Më: 23 janar 2021 Në ora: 18:21
Ismail Kokaj - basketbollist i sakrificës në Gjeneratën e Republikës

Basketbolli si të gjitha sportet tjera të Republikës së Kosovës, u ballafaqua me peripeci të ndryshme në vitet e 90-ta, duke u sulmuar rëndë nga regjimi serb. 

Ismail Kokaj i takon Gjeneratës së Republikës. Ai ka qenë ndër basketbollistët e dalluar të viteve të 90-ta, kur luante përkrah Blerim Vuniqit, Arben Fetahut, Artan Çerkinit, Blerim Krasniqit, Agon Fehmiut, Blerand Stavilecit etj.

Kokaj ka dhënë kontribut në ato vite, duke sakrifikuar për të mirën e këtij e sporti. 

Image

Ismajl Koka, në të majtë ulur dhe i dyti me numër dhjetë

Ai, së bashku me mijëra sportistë të tjerë, iu kundërvunë fuqishëm agresorit serb.

Të jesh basketbollist i asaj kohe, ka qenë shumë vështirë, për shkak të presioneve dhe kërcënimeve nga milicia e pushtuesit serb. Me gjithë kërcënimet që vinin në atëkohë, Kokaj nuk u ndal por me krenari luante në Kampionatin e Republikës së Kosovës, në kushte të rënda, salla të improvizuara apo edhe në ambient të hapur, edhe aty të përndjekur e të keqtrajtuar nga agresorit serb. 

Sot është krenar që sado kudo dha kontribut për sportin dhe shtetin e Kosovës, në vitet më të rënda, kur jeta ishte në rrezik në çdo sekondë nga bandat dhe milicia serbe.

Ai, sot i kushton rëndësi më shumë skijimit dhe e ka për zemër, por gjithmonë me mendje të basketbolli, ku e kaloi pjesën më të mirë të rinisë së tij.

Shfaq komentet
comments powered by Disqus
Sot mund të lexoni Shfletoni kopertinat