NBA sërish në telashe

Basketboll

NBA sërish në telashe

Më: 17 shkurt 2021 Në ora: 11:46
NBA sërish në telashe

Emergjenca prej Covid-19 është rikthyer në NBA, duke prekur dy skuadra, San Antonio Spurs dhe Charlotte Bobcats, që prej 24 orësh kanë hyrë në karantinë. Ndeshja e sotme Detroit-San Antonio nuk u luajt, pasi 4 basketbollistë të Spurs kanë dalë pozitivë me koronavirus.

Emrat e tyre nuk dihen, por për momentin e gjithë skuadra e San Antonio është e bllokuar dhe ndodhet në izolim në Charlotte. Në këtë qytet, Spurs luajtën ndeshjen e fundit ditën e diel.

NBA ka vendosur që 4 lojtarët e Spurs që janë pozitivë të qëndrojnë në Charlotte deri në fund të karantinës. Ndërsa pjesa tjetër e skuadrës mund të rikthehet në San Antonio vetëm pasi të vijnë përgjigjet e testeve.

Në karantinë është edhe skuadra e Charlotte për shkak të protokollit sanitar, pasi kishte probleme me 3 lojtarë. Për pasojë, NBA ka vendosur të anullojë 4 ndeshjet e radhës së San Antonio (ajo ndaj Detroit nuk u luajt) deri ditën e hënë si dhe 2 ndeshjet e radhës së Charlotte.

Kjo ka bërë që numri i ndeshjeve të shtyra në NBA për shkak të Covid-19 të shkojë në 29. Gjithashtu, është vendosur që fushat stërvitore të këtyre dy skuadrave të jenë të mbyllura deri në një urdhër të dytë.

Shfaq komentet
comments powered by Disqus
Sot mund të lexoni Shfletoni kopertinat