Vllaznia kundër Pejës

Basketboll

Vllaznia kundër Pejës

Më: 6 prill 2021 Në ora: 12:08
Vllaznia kundër Pejës

Pritjes i erdhi fundi. Sot fillon turneu i Final 8 të Ligës Unike mes skuadrave më të mira nga Kosova dhe Shqipëria. Është hera e parë që organizohet një ligë mes dy vendeve në sportet kolektive.

Takimi i parë do të zhvillohet ndërmjet Vllaznisë dhe Pejës, skuadra që ishin përballur edhe në Ligën Ballkanike, andaj do të jetë një sfidë shumë interesante.

Të martën ishte parashikuar edhe çerekfinalja e dytë mes Teutës dhe Rahovecit, por skuadra nga Durrësi nuk ka mundur të organizohet për një kohë të shkurtër dhe Vreshtarët janë kualifikuar në gjysmëfinale, ku e presin fituesin e ndeshjes Vllaznia-Peja. Ndeshjet do të transmetohen në ArtMotion dhe Kujtesa.

Ndeshjet e para çerekfinale do të luhen në Rahovec me datë 6 dhe 7 Prill 2021, ndërsa ndeshjet gjysmëfinale, gara për vendin e tretë dhe finalja e madhe e Ligës UNIKE do të zhvillohen me datat 13-14 Prill në Durrës.

Ndeshjet në Rahovec do të zhvillohen me masa të rrepta anti-Covid19, duke ju përmbajtur Udhëzuesit për Rikthimin në Fushat e Basketbollit. Për shkak të numrit të limituar të personave në palestër, nuk do të ketë media, megjithatë, stafi i Ligës Unike do të ju ofrojë Highlights dhe Intervistat pas ndeshjes, po ashtu edhe fotografi dhe raportet e ndeshjeve.

Orari

E martë

16:00 Vllaznia-Peja

E mërkurë

16:00 Goga Basket-Tirana

19:00 Sigal Prishtina-Golden Eagle Ylli

Gjysmëfinalet dhe finalet

13 Prill

16:00 Gjysmëfinalja e pare: Rahoveci-

19:00 Gjysmëfinalja e dytë

14 Prill

16:00 Ndeshja për vendin e tretë

19:00 Finalja e madhe.

Shfaq komentet
comments powered by Disqus
Sot mund të lexoni Shfletoni kopertinat