Goga Basket fiton sërish derbin me Teutën dhe nis shkëputjen

Basketboll

Goga Basket fiton sërish derbin me Teutën dhe nis shkëputjen

Më: 10 prill 2021 Në ora: 20:34
Goga Basket fiton sërish derbin me Teutën dhe nis shkëputjen

Janë luajtur mbrëmjen e sotme takimet e javës së 10-të të Superligës në basketboll për meshkuj. Goga Basket mposhti 79-63 Teutën në derbin durrsak, duke korrur suksesin e 10-të radhazi, ekipi i vetëm i Superligës pa asnjë humbje, duke udhëhequr renditjen me 20 pikë të plota.

Ky sukses ka shkëputur Gogën 3 pikë nga Teuta, ndjekësja më e afërt. Fitoren e dytë sezonale korri Partizani, që mundi 99-63 Eagles Basket, duke shpresuar ende për një vend në play off. Fiton edhe Vllaznia, që mundi 90-74 Tiranën dhe kap Teutën në vendin e dytë provizor në renditje.

Në Kategorinë e Parë, ekipi i Kamza Basket nuk njeh rivalë, duke korrur fitoren e 10-të në po kaq javë. Kamzalinjtë fituan 95-93 ndaj Elbasanit jashtë fushe, duke ruajtur kreun. Në vendin e dytë ndodhet Dinamo, që mundi pa probleme 103-48 Skënderbeun, ndërsa Flamurtari mposhti 60-59 Apoloninë, suksesi i parë sezonal.

Basketboll – Superliga, Meshkuj (java e 10-të)

Goga Basket – Teuta, 79-63

Vllaznia – Tirana, 90-74

Partizani – Eagles Basket, 99-63

Renditja: Goga Basket 20 pikë, Teuta 17 pikë, Vllaznia 17 pikë, Tirana 14 pikë, Partizani 12 pikë, Eagles Basket 10 pikë.

Basketboll – Kategoria e Parë, Meshkuj (java e 10-të)

Flamurtari – Apolonia, 60-59

Elbasani – Kamza Basket, 93-95

Dinamo – Skënderbeu, 103-48

Renditja: Kamza Basket 20 pikë, Dinamo 18 pikë, Elbasani 15 pikë, Skënderbeu 14 pikë, Apolonia 11 pikë, Flamurtari 11 pikë.

Shfaq komentet
comments powered by Disqus
Sot mund të lexoni Shfletoni kopertinat