Është në formën më të mirë, sikur të jetë në moshën 20-vjeçare!
Është Valbona Batyçi, basketbolliste e Penzës nga Peja, që sot ka 31 vjeç dhe është nënë e një vajze, prej lojtareve më të mira në Superligën e Kosovës.
Kapitenia e Penzës është figura qendrore që u kualifikuan në finalen e madhe dhe të enjten ndeshen me Bashkimin e Prizrenit, në ndeshjen e parë të play-off-it.
Valbona Bytyqi me 34 pikë e shtatë kërcime i shkaktoi humbje Prishtinës, me rezultat 87:86 dhe kësisoj në seri të fitoreve me rezultat 2:0 avancuan më tej.
Bytyqi tha se e merituan kualifikimin dhe ekipi i saj e ka vendin në finale, duke pretenduar se do ta kthejnë titullin në Pejë.
“Bota sot”: Penza në finalen e madhe, po e rikthen titullin?
Valbona Bytyqi: Penza aty ku e ka vendin në finale pse jo edhe titullin.
E kemi mposht Bashkimin, mendoj se finalet e kanë ngarkesën e vet, ne shkojmë për çdo ndeshje me fituar.
“Bota sot”: Çfarë po e veçon Penzën në këtë edicion nga ekipet tjera?
Valbona Bytyqi: Mendoj se me ardhjen e kryetarit Kastriot Gjocaj më klubit nuk i ka munguar asgjë.Besoj se jemi ekip dhe kemi lojtare me përvojë dhe gjatë gjithë kampionatit kemi tregu lojëra te mira!
“Bota sot”: Valbona Bytyçi në formë, 34 pikë kundër Prishtinës, në moshën 31 vjeçare, a po riktheheni si dikur?
Valbona Bytyqi: Mendoj se çdo lojë jam munduar mi ndihmuar Klubit, thjesht aspak nuk çon peshë mosha për formën që po e tregoj. Jam stërvitur shumë me ardhjen e trajnerit Millan Rondoviq. Mendoj se çdo lojtare ka fatin të punoj me të, unë kam me jap për Klubin e Përfaqësuesen e Kosovës deri atëherë kur e shoh se ka vajza, se kanë vullnetin dhe japin angazhimin si unë!
“Bota sot”: Kundër Bashkimit, ku i sheh përparësitë?
Valbona Bytyqi: Bashkimi ka fond te lojtareve më shumë përvojë, ka edhe buxhetin shumë më shumë se na, por ne jemi të etur për titull!
