Vushtrria është shpallur kampione e Ligës së Parë në konkurrencën e femrave.
Skuadra vushtrriase në finale e tretë të “Play-offit” ka shënuar fitore ndaj United Basketball me shifrat 66:62. Ndeshjen e parë e kishte fituar skuadra nga Gjilani 85:64, kurse sfidën e dytë skuadra vushtrriase 70:62, pas vazhdimeve.
Vushtrria në gjysmëfinale kishte mundur AA Kerasan Prishtinën, kurse United Basketball kishte eliminuar Junior 06.
Kupën skuadrës fituese ua dorëzoi Komesari i Garave të FBK-së, Faton Kurshumlija.
Vushtrria edicionin e ardhshëm do të luajë në EBC Ligën e Femrave, ku e pret një garë shumë interesante.
