Në Brno të Republikës Çeke ka përfunduar Kampionati Europian i Basketbollit për moshën U-20, turne ku mori pjesë edhe Shqipëria.
Kombëtarja kuqezi, e drejtuar nga trajneri Eni Llazani, u rendit e fundit në Grupin A, teksa i humbi të pesta takimet.
Ndeshjen e fundit kuqezinjtë e kishin ndaj Italisë, ku u mundën 72:43. Më herët,
Shqipëria ishte mundur nga Spanja, Kroacia, Republike Çeke e Portugalia. Për pasojë, vendi ynë u klasifikua i fundit në Grup, duke mos fituar asnjë ndeshje.
Një paraqitje në dritë-hije për kuqezinjtë, që ndaj rivalëve më të fortë e patën shumë të vështirë të rivalizojnë. Kjo u konfirmua edhe në takimin e fundit ndaj Italisë, ku rivalët tanë ishin ndjeshëm më superior në parket.
