Bashkimi ka shënuar fitore në udhëtim ndaj Golden Eagle Yllit me rezultat 55:60 (13:13, 8:17, 21:17, 13:13), në kuadër të javës së dytë të Art Motion Superligës së Kosovës në basketboll.
Ndeshjen më mirë e nisën mysafirët me një seri prej 0:5, e më pas duke kaluar në epërsi 6:12, sidoqoftë, çereku i parë përfundon 13:13. Edhe periudha e dytë nisi e baraspeshuar deri pranë rezultatit 20:21, kur prizrenasit shkëputen, duke shkuar në pushim me rezultat 21:30.
Në periodën e tretë vendasit ishin për një nuancë më të mirë, duke e zvogëluar epërsinë e mysafirëve dhe rezultati pas 30 minutash ishte 42:47.
Dy minuta nga fundi te rezultati 51:58, u mendua se mysafirët do të shënojnë fitore të sigurt, por therandasit ngushtojnë shifrat në 55:58, megjithatë, prizrenasit nuk e lëshojnë fitoren nga duart dhe triumfojnë 55:60.
Golden Eagle Ylli ka dy humbje në dy ndeshje, ndërsa Bashkimi një fitore dhe një humbje.
