Doruntina Vuniqi, një emër që i dha shumë sportit në Kosovë, sot jeton në qytetin më atraktiv në botë

Basketboll

Doruntina Vuniqi, një emër që i dha shumë sportit në Kosovë, sot jeton në qytetin më atraktiv në botë

Nga: Kemajl Goca Më: 25 shtator 2021 Në ora: 12:47
Doruntina Vuniqi, me bashkëshortin, djalin dhe vajzën

Doruntina Vuniqi, si shumë sportiste shqiptare, filloi hapat e parë në basketboll në vitet më të rënda, kur çdo familje shqiptare mendonte se si ta siguronte ekzistencën dhe si të shpëtonte kokën nga regjimi serb, në vitet e 90-ta.

Në kohë të pa kohë, ajo me shumë shoqe stërviste në një sallë të improvizuar në Prishtinë, zhvillonte gjithnjë e më shumë lojën e saj, duke e përsosur teknikën. 

Ka qenë prej basketbollisteve më të talentuara në fund të viteve të 90-ta, ndërsa në fillim të viteve 2000, një bombarduese për kundërshtare.

Image

Doruntina me numër 9

Ajo ka luajtur në pozicionin 4-5, duke arritur formën më të mirë në Trocal League, ku garonin fuqishëm përballë ekipeve kroate, sllovene, boshnjake, austriake etj.  

Doruntina me Universitetin përfunduan në pozitën e tretë në Trocal League, por pas përfundimit të këtij edicioni (2003-2004) i larguan nga kjo ligë politikisht, Kosova nuk mund të garojë në këtë rang të lartë garash!

Image

Blerim Vuniqi

“E vetmja shqiptare që ka pas minutazhën më të madhe”, - kujton atëkohë me krenari Blerim Vuniqi, ish basketbollist i mirënjohur dhe komentator i shquar sportiv në RTK, tani në pension.

Image

Doruntina sot jeton në New York, është e martuar me Ekrem Gashin, biznesmen. Ajo ka një vajzë Lea dhe një djalë Rroni, jetojnë në New Jork.

Image

Doruntina me numër 9

Doruntina, edhe sot kujtohet nga dashamirët e sportit, për teknikën e  lojës, pikë të fortë e ka pasur mbrojtjen dhe në shumë ndeshje ka qenë vendimtare.

Ajo karrierën si lojtare aktive e përfundoi në vitin 2005, për shkak të studimeve në Tetovë, në Universitetin e Evropës Juglindore.

Image

Nuk ishte e rastit që ishte prej basketbollisteve më të mira në Kosovë, e cila ndoqi hapat e prindit të saj, Blerimi, i cili ka qenë prej basketbollistëve më të mirë në vitet e 70-ta e të 80-ta, duke luajtur për Prishtinën (Elektrokosova një kohë) në Ligën e Parë B të ish Jugosllavisë, pastaj edhe në Rabotniçkn dhe në gjeneratën e sakrificës kontriboi për sportin e Republikës së Kosovës. 

Image

 

Doruntina në veprim

Një familje e rritur në frymën sportive, dy emra të spikatur të botës së sportit në vendin tonë, Doruntina dhe Blerimi, babë e bijë.

Ajo, edhe pse sot nuk është aktive në sport, gjithmonë është me  mendje te basketbolli i Kosovës, që i dha shumë emocione e gëzime në karrierën e saj aktive.  

Image

Doruntina nuk i harron vitet e arta, vitet e 90-ta, kur lozni në fusha të improvizuara e deri  të shkëlqimi në Trocal League, kundër Gospiçit, Shibenikut, Zhelezniçarit të Sarajevës,  Merkur Celjes, Jezhices etj.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat