Java e katërt në Art Motion Superligën e Kosovës në basketboll do të fillojë të enjten (nesër) me duelin ndërmjet Trepçës dhe Pejës.
Këto dy skuadra janë të vetmet të pamposhtura deri më tani në elitën e basketbollit, me tri fitore në tri ndeshje.
Klasikja e basketbollit pritet të dhurojë një ndeshje të bukur, duke marrë parasysh formën e mirë të këtyre dy skuadrave, si dhe traditën që kanë këto dy skuadra në basketbollin e Kosovës.
Pejanët në tri xhirot e para kanë mundur Bashkimin, Sigal Prishtinën dhe Rahovecin, kurse mitrovicasit kanë triumfuar ndaj Golden Eagle Yllin, Prizrenin 16 dhe RC Cola Dritën.
Sfidat tjera të xhiros së katërt zhvillohen në fundjavë, ku priten takime interesante, sidomos ajo ndërmjet Golden Eagle Yllit dhe Sigal Prishtinës.
Java 4
E enjte
19:00 Trepça - Peja
E shtunë
17:15 Rahoveci - Bashkimi
19:00 Prizreni 16 - RC Cola Drita
E diel
17:15 Golden Eagle Ylli - Sigal Prishtina.
