NBA, Curry shpërthen me 51 pikë ndaj Wizards - Bota Sot
NBA, Curry shpërthen me 51 pikë ndaj Wizards

Basketboll

NBA, Curry shpërthen me 51 pikë ndaj Wizards

Më: 25 tetor 2018 Në ora: 09:28
Stephen Curry

Stephen Curry shënoi 11 herë nga distanca e 3-pikëshit në një performancë të shkëlqyeshme prej 51 pikësh gjithsej, në sfidën që Golden State Warriors e fituan 144-122 ndaj Washington Wizards, mbrëmjen e së mërkurës.

Dy herë “MVP”-ja i NBA-së, Curry u ngjit kështu në vendin e pestë të shënuesve të të gjitha kohërave sa u përket 3-pikëshave, ndërkohë që paraqitja e tij u shoqërua me thirrjet “MVP, MVP” nga tifozët më besnikë të Warriors-ave.

Statistikat e tij, veç 11 realizimeve nga 16 tentativa për 3 pikët, përfshijnë edhe 15 gjuajtje dypikëshe nga 24 përpjekje, si dhe 10 realizime nga po kaq mundësi nga vija e gjuajtjeve të lira. Në 32 minuta të luajtura prej tij u shënuan edhe 5 topa në tabelë dhe 3 asiste.

Mes kontribuesve të tjerë ishin Kevin Durant, me 30 pikë, 8 topa në tabelë dhe 7 asiste; si dhe Draymond Green me 12 asiste. Në total, kampionët e dyfishtë në fuqi të NBA regjistruan në këtë sfidë plot 37 asiste.

Curry ka shënuar mbi 30 pikë në 4 prej 5 përballjeve të këtij sezoni, ndërkohë që ekipi i Golden State shënoi fitoren e katërt radhazi ndaj Wizards-ave. Për këta të fundit ra në sy Bradley Beal me 23 pikë, ndërsa Kelly Oubre erdhi nga stoli për të shënuar 17 pikë.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...