Z Mobile Prishtina ishte nikoqire e Steaua Bucurestit nga Rumania në kuadër të Grupit E të FIBA Europe Cup.
Çereku i parë përfundoi me fitoren e Prishtinës më rezultat 25:17, por në çerekun e dytë rumunët ishin më të mirë pasi që mundën Prishtinën me rezultat 9:19.
Pjesëloja e parë përfundoi me rezultat 34:36 në të mirë të mysafirëve.
Në çerekun e tretë KB Prishtina luan edhe më mirë dhe e fiton atë 23:12, por përsëri tregohen më të pasuksesshëm në çerekun e katër pasi që humbin 17:21.
Megjithatë kjo nuk i mjaftojë rumunëve dhe ata e humbin edhe ndeshjen e dytë kundër KB Prishtinën me rezultat 74:69.
Me këtë fitore Prishtina merr kryesimin e Grupit E të konferencës së dytë më 9 pikë, duke siguruar pjesëmarrjen në mesin e 16 skuadrave më të mira në Euro Cup.
Fituesi i këtij grupi përcaktohet në ndeshjen në Prishtinë kundër Bakken Bears që do të mbahet në Prishtinë më 23 nëntor.
Z Mobile Prishtina tashmë e ka siguruar kualifikimin tutje në FIBA Europe Cup, duke zënë vend në mesin e 16 skuadrave që do të vazhdojnë garat në këtë kompeticion.