Kalimi i LeBron James nga Cleveland Cavaliers tek LA Lakers ka qenë ngjarja më e komentuar në fazën para sezonale të NBA.
E gjithë vëmendja e tërhequr nga “mbreti”, po justifikohet me statistikat që ai po regjistron këtë sezon nën ngjyrat e skuadrës nga Los Angeles.
Deri në këtë pikë të sezonit, lojtari është lider i skuadrës në 10 kategori të ndryshme. Vetëm në bllokada prinë Javale McGee para James.
Por, përveç statistikave individuale, LeBron James ka përmirësuar edhe statistikat e skuadrës.
Në sezonin e kaluar, skuadra e Lakers kishte arritur fitoren e 15-të vetëm pas 42 ndeshjeve të zhvilluara.
Këtë sezon, të udhëhequr nga “mbreti James”, Lakers kanë regjistruar fitoren e 15-të qysh në ndeshjen e 24-të të sezonit.
Duket se LeBron po adoptohet më mirë se që kanë pritur disa në konferencën perëndimore.
