Dillian Whyte e rrahu Dereck Chisorën me një nokaut brutal në rundin e 11-të të shtunën në Londër dhe i hapi vetes rrugë për t’u përballur me kampionin e botës, Anthony Joshuan.
Pas një meçi të barabartë për shumicën e dhjetë rundeve, Whyte ruajti energjinë dhe e rrëzoi brutalisht Chisorën në rundin e 11-të, duke e lënë pa ndjenja për disa momente.
Pamjet nga ky nokaut klasik mund t’i ndiqni në videon më poshtë.
Chisora out cold... #WhyteVsChisora ?? pic.twitter.com/e7DSdH4Q8Y
— Chris Chambers (@CapitalChambo) December 23, 2018
Në ring pas meçit, Whyte i bëri thirrje Joshuas të luftojë kundër tij, e ky i fundit u fut në ring dhe ia bëri më dije Whytet se ai është i treti në listën e synimeve të tij.
Duke iu adresuar Joshuas, nga i cili u mposht më 2015, Whyte tha: “Rimeç, hajde ta bëjmë. Ta bëjmë”.
Kampioni i IBF, WBO dhe WBA Joshua ia bëri të qartë se synimi i tij është të luftojë kundër kampionit të WBC-së, Deontay Wilder, ndërsa Tyson Fury është i dyti në listën e tij.