Fury: Titujt e kampionit i janë falur Anthony Joshuas

Boksi

Fury: Titujt e kampionit i janë falur Anthony Joshuas

Më: 24 shkurt 2019 Në ora: 00:08
Tyson Fury

Tyson Fury ka dhënë edhe disa komente për kampionin e katërfishtë, Anthony Joshua.

Fury ka thënë se Joshuas i janë falur titujt e kampionit që ai zotëron aktualisht, por ka thënë se nuk është faji i tij.

Ishte pikërisht ‘Gypsy King’ ai që mbante titujt e kampionit, para se ato të kalonin tek AJ, por problemet personale të tij kanë bërë që ato t’i kthehen Klitschkos, e pastaj AJ e kishte mposhtur ukrainasin që kishte prekur një moshë të konsiderueshme.

“Le ti tregojmë faktet ashtu siç janë. Unë gjithmonë dua ta them të vërtetën. Joshuas i janë falur titujt nga problemet e mia personale” ka thënë Fury.

“Nuk është faji i tij, as i stafit të tij. Unë kisha problemet e mia dhe të gjithë e dinë këtë. Ai nuk fitoi ndonjë titull. Ato iu dhanë atij, pasi ai mposhti Klitschkon e vjetër” ka thënë ndër të tjerash britaniku.

Fury është duke shikuar që të aranzhojë revanshin me Deontay Wilder, kurse Joshua do të përballet më 1 qershor kundër Jarrell Miller. 

commentFirst article
Sot mund të lexoni Shfletoni kopertinat