Mundësi i talentuar Jiu-Jitsu ka vdekur pasi u nokautua në një event të MMA në Brazil, shkruajnë mediet lokale.
Atleti nga Amazona, Mateus Fernandes, 22-vjeçar, ka pasur katër sulme në zemër në mbrëmjen e së shtunës, pasi është goditur rëndë në kokë dhe qafë nga kundërshtari i tij.
Mundësi amator i fitoi dy raundet e para në këtë garë të mbajtur në Manaus.
Raundi i tretë ishte fatal për 22-vjeçarin, i cili mori dy goditje të fuqishme nga kundërshtari i tij, Obed Pereira.
Më pas, ndërhyri edhe stafi mjekësor për t’i dhënë atij ndihmën e parë.
“Jemi duke e pritur raportin e autopsisë, teksa ka pasur zëra se Mateus ka përdorur drogë para se ai të futej në ring”, tha fillimisht Romulo Lobo, organizator i këtij eventi.
“Kjo ka mundur edhe t’i kontribuojë vdekjes së tij. Jemi ende në pritje të rezultateve”, tha Lobo në mes të tjerash.
