Është konfirmuar se ku do të zhvillohet meçi i radhës i Tyson Furyt. Javë më parë, u konfirmua meçi i radhës i boksierit britanik, që do të ndeshet me gjermanin Tom Schwarz. Të hënën promotori i boksit, Frank Warren, zbuloi gjithçka edhe sa i përket vendit ku do të zhvillohet dueli.
Fury – Schwarz do të zhvillohet më 15 qershor, në ‘MGM Grand’ të Las Vegasit.
24-vjeçari Schwarz është një boksier i panjohur për publikun edhe pse ka zhvilluar 24 duele dhe nuk ka asnjë humbje në ring si profesionist.
Fury (27 fitore, 1 barazim), do të duelojë me gjermanin për ta mbrojtur titullin e tij të peshave të rënda.