Ish boksieri Aziz Salihu, fitues i medaljes së bronztë olimpike në vitin 1984 dhe kryetari i KBO Prishtina, dje ka festuar 65 vjetorin e lindjes, por në orët e vona ka postuar një mesazh falënderues paksa edhe emocionues dhe shihet në foto me bashkëshorten e tij, Agime Sahatçiun dhe me mbesën Melodinë.
Se ‘Zizi’ ka dashuri të madhe për bashkëshorten më së miri e dëshmon se si ia qet krahun përmbi qafë, duke respektuar fortë.
“Faleminderit Zotit që ma mundësoj të festoj edhe këtë vit, faleminderit familjes dhe të gjithë dashamireve për urimet. Ju dëshiroj shëndet dhe suksese në jetë. E unë i bëfsha edhe 100”, shkruan Salihu. Ai shihet duke e prerë torten e datëlindjes së tij dhe është aq gazmorë.