Whyte: As promovuesi im nuk besonte te fitorja - Bota Sot
Whyte: As promovuesi im nuk besonte te fitorja

Boksi

Whyte: As promovuesi im nuk besonte te fitorja

Më: 21 korrik 2019 Në ora: 22:27
Dillian Whyte dhe Oscar Rivas

Dillian Whyte thotë se ia ka dëshmuar të kundërtën promovuesit të tij, Eddie Hearn, kur e mposhti Oscar Rivasin, për t’u bërë sfidues i obligueshëm për titullin e WBC-së që mbahet nga Deontay Wilder.

Boksieri britanik u rrëzua në raundin e nëntë, mirëpo u ngrit për të fituar në fund me vendim anonim të gjyqtarëve (115-112, 115-112 dhe 116-111) në duelin e zhvilluar në O2 Arena të Londrës.

“Gjithmonë presin që unë të humb, madje edhe promovuesi im (Eddie Hearn) më tha se Rivas do të më mposhtte. Kështu, si zakonisht, dola dhe ia dëshmova atij dhe gjithë të tjerëve të kundërtën”.

“Kam mposhtur kampionë bote, ish-kampionë bote dhe yje në ngritje të pamposhtur të këtij divizioni. E gjitha ndodh, sepse unë i mpreh mjetet e mia për këto duele të mëdha”, ka thënë Whyte.

Britaniku ia shkaktoi humbjen e parë kolumbianit Rivas pas 27 përballjesh, ndërsa ky ishte meçi më fizik ndonjëherë për 31-vjeçarin Whyte.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...