Arben Shemallari (ArenaRing BoxPromotion)” ka zyrtarizuar ndeshjen e tij të katërt në boksin profesionist, kurse kundërshtar i tij i ardhshëm do të jetë boshnjaku Adnan Haxhihajdiq, këtë e zbulon menaxheri i Arbenit, Avdyl Salihu duke shtuar se pret fitoren e radhës për boksierin e tij.
“Më 21 shtator Beni do të ndeshet sërish, mirëpo tani në Karlsruhe kundër boshnjakut me përvojë Adnan Hadzihajdic i cili ka 26 ndeshje në boksin profesionist. Ne si staf kemi besim tek boksieri ynë andaj edhe presim fitoren e radhës”, deklaroi Salihu.
Nga ana tjetër, Shemallari tha se përveç triumfit nuk mendon për asgjë tyjetër. “Jam duke u përgatit maksimalisht për këtë duel sepse e di se do jetë një përballje e vështirë.
Jam i motivuar dhe besoj se do arrij deri tek triumfi”, deklaro Shemallari. Cekim se Shemallari deri tani ka zhvilluar tre ndeshje ne boksin profesionist dhe në të gjitha ka arritur fitore.