Joshua: Kur ta rrah Ruizin, dua që e gjithë botë të më përulet para këmbëve

Boksi

Joshua: Kur ta rrah Ruizin, dua që e gjithë botë të më përulet para këmbëve

Më: 20 nëntor 2019 Në ora: 22:47
Anthony Joshua

Anthony Joshua është zotuar se do t’i tregojë botës se, siç ka thënë, sa i madh është, duke e mposhtur Andy Ruizin në rimeçin e tyre muajin e ardhshëm. Ai thotë se dëshiron që të gjithë t’u përulen para këmbëve dhe t’i thonë se sa madhështor është pas rimeçit.

Joshua synon hakmarrje më 7 dhjetor, për humbjen turpëruese që Ruiz Jr ia shkaktoi, si dhe t’i rifitojë titujt e botës në kategorinë e rëndë, IBF, WBA dhe WBO.

“Do të rrihem me boksierin më të mirë në botë. Do ta mposht atë me lehtësi dhe t’ju tregoj se sa i madh jam unë”, tha Joshua për Sky Sports News.

“Njerëzit mendojnë se ai është shumë i madh, prandaj kur ta rrah atë, dua që të gjithë t’m’u përkulen para këmbëve dhe të më thonë se sa i madh jam”, shtoi boksieri britanik.

Reagimi i zjarrtë i Joshuas vjen pak ditë pasi Ruiz Jr tha për Sky Sports se Joshua nuk i kishte shkaktuar dhimbjen në meçin e parë mes tyre.

“Ishte një goditje me fat edhe nga ana e tij, po ashtu”, tha Ruiz Jr, duke folur për momentin kur Joshua e rrëzoi në dysheme në rundin e tretë.

“Unë u bëra përtac. Mora një grusht sa hap e mbyll sytë. Thashë me vete: ‘Çfarë ndodhi?’. Nuk më lëndoi sepse rashë ngadalë. Por vullneti dhe zjarri brenda meje nuk u shuan. Desha ta vazhdoja meçin dhe ta fitoja luftën”, tha Ruiz.

commentFirst article
Sot mund të lexoni Shfletoni kopertinat