Anthony Joshua ka fituar së fundi revanshin kundër Andy Ruiz Jr, duke i fituar rripat e humbur në kategoritë WBA, IBF dhe WBO. Joshua deri para datës 4 qershor të vitit 2020, është i detyruar të ndeshet me Oleksandr Usyk në WBO.
Por, pas këtij meçi, është i gatshëm të sfidojë Tyson Furyn apo Deontay Wilder.
“Ajo ka për të ndodhur në vitin 2020”, është përgjigjur Joshua për meçin e mundshëm kundër Fury ose Wilder.
“Ne jemi në kategorinë e njëjtë, në epokën e njëjtë”. “Nëse ata djem duan të bëjnë historinë, e veçanërisht Wilder i cili mban rripin e fundit, le ta bëjmë historinë”.
