Tyson Fury fton Joshuan për duel, spektaklin e dëshiron në këtë vend

Boksi

Tyson Fury fton Joshuan për duel, spektaklin e dëshiron në këtë vend

Më: 7 shkurt 2020 Në ora: 17:49
Tyson Fury ka folur përsëri rreth një dueli të mundshëm me Anthony Joshua

Ylli britanik i boksit, Tyson Fury, ka folur përsëri rreth një dueli të mundshëm me Anthony Joshua.

Fury është duke u përgatitur për duelin me Deontay Wilder, revanshin me të cilin e luan më 22 shkurt, si kontestues i titullit të WBC.

Britaniku ka bërë të ditur se është i interesuar vetëm për tri duele. Fury-Joshua, Joshua-Wilder dhe Fury-Wilder. ‘Gypsy’ beson se janë vetëm këta tre boksierë në bisedën për më të mirin. Ai gjithashtu ka folur edhe për duelin e mundshëm me Joshua.

“Duelet që dua t’i shoh janë unë dhe Wilder, unë dhe Joshua dhe Joshua dhe Wilder. Nuk ka boksierë tjerë” ka thënë Fury.

“Ndeshja me Joshua duhet të ndodh në Las Vegas, dhe vetëm Las Vegas. Është kryeqyteti i boksit” ka shtuar ‘Gypsy King’.

Fillimisht Fury do të synojë të marrë titullin e WBC, pastaj të kërkojë duelin me Joshua, për unifikimin e titujve.

commentFirst article
Sot mund të lexoni Shfletoni kopertinat