Khabib Nurmagomedov është gati për të zhvilluar një duel me Floyd Mayweather.
Kampioni i pamposhtur rus i arteve marciale mikse nuk i trembet kësaj sfide, duke ndjekur gjurmët e Conor McGregor, që këtë përballje me boksierin e pamposhtur amerikan e ka zhvilluar që në vitin 2017. Gjithsesi, rusi ka një kusht për ta zhvilluar këtë përballje.
Abdulmanap Nurmagomedov, babai i Khabib, sqaron diçka për këtë duel: “Khabib është i pamposhtur në MMA, ndërsa Floyd është një boksier i madh, i pamposhtur në ring. Ndaj, është e qartë që asnjëri prej tyre nuk dëshiron të humbasë”.
“Për këtë sfidë ne do të stërvitemi 6 muaj me boksierin Vasily Lomachenko dhe më pas do të zhvillojmë një duel. Gjithsesi, ne kemi një kusht: 11 raunde do të jenë boks dhe një raund do të jetë me rregullat e arteve marciale mikse. Ju garantoj se Khabib do të qëndrojë në këmbë pas 11 raundeve ndaj boksierit më të madh”, tha Abdulmanap Nurmagomedov.