(E plotësuar) - Në orët e para të mëngjesit të ditës së Tyson Fury është kampioni i ri i WBC në kategorinë e rëndë në boks.
‘Gypsy King’ ka arritur të mposht Deontay Wilder, me anë të nokautit teknik në raundin e shtatë.
Fury dominoi takimin kundër Wilder qysh nga fillimi i duelit. Ishte raundi i tretë kur Fury shtriu Wilderin në tapetë për herë të parë.
Britaniku vazhdoi me luftë të mirë dhe arriti që përsëri të shënonte një nokaut në raundin e pestë, për t’i dobësuar akoma më shumë këmbët e kampionit të WBC.
Kurse, fundi i kësaj ndeshje erdhi në raundin e shtatë, kur pas goditjeve të njëpasnjëshme të Fury, gjyqtari ndërpreu takimin.
Kështu, Tyson Fury është kampioni i ri i WBC. Wilder mbrojti 10 herë këtë titull, para se t’ia kalonte Furyt.
Fury tashmë shkon në 30 fitore, 1 barazim dhe 0 humbje. Për Wilder, kjo është humbja e parë.
***
dielës do të ketë një super përballje në botën e boksit.
Deontay Wilder dhe Tyson Fury do të duelojnë në rimeçin e tyre në Los Angleos, atje ku pritet spektakël dhe luftë e pa kompromis nga të dy boksierët.
Para kësaj ndeshje ka patur deklarata të forta “kërcënuese” nga të dyja palët, të cilat vetëm sa e kanë bërë të “zjarrtë” meçin e tyre.
Në konferencën e parë të tyre madje pati edhe konflikt fizik i cili për pak sa nuk u shndërrua në një “luftë” të vërtetë para meçit që do të zhvillohet në orët e para të mëngjesit.
Meçi është planifikuar të zhvillohet rreth orës 05:00 të mëngjesit të nesërm dhe do të transmetohet edhe nga një televizion në Kosovë. Kujtesa Sport 1, është televizioni që do ta transmetojë këtë ndeshje.
