Tayson Fury doli fitues në meqin kundër Deontay Wilder që mori vëmendjen e gjithë botës. Boksieri britanik arriti që në raundin e shtatë ta mbyllë ndeshjen me nokaut teknik.
Tyson Fury ndau një moment prekës me babanë e vet, John Fury, menjëherë pasi e rrahu Wilderin.
Babai i Furyt, John, nuk ishte në gjendje të udhëtonte drejt Shteteve të Bashkuara prandaj meçin e shikoi nga shtëpia.
Por i biri i tij tashmë kampion, këmbënguli për të gjetur kohë për të biseduar me babanë e vet pas triumfit madhështor.
Pak para se Fury të fliste për media, televizioni iFL e kapi atë duke biseduar me krenari me babanë e vet:
“Të gjithë po mendonin çfarë do të bëjë ai me 123 kilogramë. Sonte isha 122 kilogramë. I qëndrueshëm”.
“Dëgjova baba, sonte isha shumë i fortë për të. Isha 18 kilogramë më i rëndë se ai”, shtoi ai.
Duke folur për ndërprerjen e meçit nga ekipi i Wilder, Fury u dëgjua duke i thënë babait të vet: “Po, ata bënë mirë. Dëgjo, do ta kisha lënduar. Ia çava veshin, gjaku po i rridhte nga veshi”.