Boksieri i pamposhtur amerikan doli pozitiv gjatë një testi antidoping

Boksi

Boksieri i pamposhtur amerikan doli pozitiv gjatë një testi antidoping

Më: 30 qershor 2020 Në ora: 13:30
Boksieri i pamposhtur amerikan doli pozitiv gjatë një testi antidoping

Një vit më parë, boksieri amerikan Jarrell Miller duhej të duelonte ndaj Anthony Joshua për titujt kampionë bote në peshën e rëndë. Ajo sfidë nuk u zhvillua asnjëherë.

Boksieri i pamposhtur amerikan doli pozitiv gjatë një testi antidoping një muaj para sfidës dhe vendin e tij e zuri Andy Ruiz (meksikani mposhti Joshua dhe u bë kampion bote).

Miller duhej të rikthehej në ring më 9 korrik, në një duel ndaj Jerry Forest, por edhe kjo sfidë është anulluar. 31-vjeçari ka rezultuar sërish pozitiv gjatë një testi antidoping kryer së fundi. Ai ka dalë pozitiv me substancën GW1516, që ndikon në rritjen e performancës dhe fuqisë aerobike.

Kjo është e njëjta substancë që iu gjet edhe para duelit me Joshua një vit më parë, që solli anullimin e sfidës. Vjet Miller doli pozitiv edhe me EPO, ndaj u pezullua 6 muaj. Këtë herë pritet që dënimi të jetë më i rëndë. Hera e fundit që Jarrell Miller është ngjitur në ring ka qenë nëntori i 2018-ës.

commentFirst article
Sot mund të lexoni Shfletoni kopertinat